W swojim 2. dźělu programa “Moja Archa Horni Hajnk” pytaja hudźbnicy trójki „Trio con moto“ dialog z knihu Jurja Brězana. Dialog je sensibelny, zabawjacy ale tež brizantny, z widom na łamliwosć našeho swěta, z kotrymž bjezstarostnje wobchadźamy. Hudźbnicy Hanka Tiedemann (flejta), Bettina Witke (wiolina) a Helfried Knopsmeier (violoncello) zahraja twórby ze zańdźenosće a přitomnosće, kotrež so hrajkajo do powědančkow J. Brězana, čitane wot Lisy Čornakowej, zapletu.

„Zwěrina a rostliny bratřa nam a sotry su, dźěl smy stwórby samsneje.”
Jurij Brězan