Wječork, cyle w znamjenju Ukrainy. Za prěni dźěl koncerta su so přizjewili młodźi ukrainscy wuměłcy Oleksandra Drač (gitara), kotruž smy před tydźenjemi po wubuchnjenju wójny w beneficnym koncerće w Budyskej Krónje hižo raz dožiwili, kaž tež spěwarka Vlada Levreimova a dwójka Olena (spěw) a Mychailo Petrenko (klawěr) přizjewili, kotřiž chcedźa ze swojimi instrumentami wo bohatej kulturje jich domizny swědčić.
W druhim dźělu wječorka wustupi Duo Kratschkowski, w Ukrainje rodźenaj wuměłcaj-mandźelskaj, kotrajž bydlitaj wot 2006 w Drježdźanach a kotrajž wěnujetaj so wobšěrnje akordeonowej hudźbje. Z njeskónčnej fantaziju a sobustorhacej radosću hudźenja, hdys a hdys z miknjenčkom a samoironiju zkuzłataj hudźbnikaj z perfektnosći bliskej wirtuozitu to nimale njemóžne na swojimaj instrumentomaj přez wšě žanry a hudźbne stile.