Paul wopisuje so sam tak:
„Cyle prjedy, jako w Berlinje hišće tuta dźiwna betonowa murja steješe, narodźi so w Budyšinje dźěćo, kotrež smědźeše hižo zahe hudźbnopedagogiske wudobyća Němskeje demokratiskeje republiki wužiwać a kiž chcyše, měješe, dyrbješe husle hrać. Z tutymi hrajach w 90tych lětach w kapałach ze žortnymi mjenami kaž Köterkacke. Po tym, zo so tute rozpušćichu, započach z luteje wostudy sam hudźić a jězdźich wot 2003 zwjetša po němskorěčnym rumje, hudźach pak tež hižo raz w Tel Avivje, Ramallah abo New Yorku. Spočatnje bě to punk bjez bijadła, gitary a basa unplugged z huslemi a spěwanjom. Pozdźišo přidružichu so folkowe a reggeajowe čisła a dwoje Dua – Berlinska dróha a Atze Wellblech kaž tež Lesebühne Kopfstand. Nimo toho hudźu hdys a hdys na huslach k elektroniskej hudźbje. Wokomiknje zaběram so ze złamanymi pruhami časa a ze serbsko-waliziskim přećelstwom.“